მესტიის მუნიციპალიტეტის მერია ლეხზირის ხეობაში მომხდარ სტიქიასთან დაკავშირებით, განცხადებას ავრცელებს. მათი ინფორმაციით, პირველადი დათვალიერებით, სტიქიის მსგავსი მასშტაბებით განმეორების საშიშროება აღარ არსებობს.
“გარემოს ეროვნული სააგენტოს ჰიდროლოგებმა, გეოლოგებმა და გლაციოლოგებმა ვერტმფრენით დაათვალიერეს და გაეცნენ ლეხზირის ხეობაში არსებულ ვითარებას. მათთან ერთად იმყოფებოდნენ ცენტრალური ხელისუფლების წარმომადგენლები და ადგილობრივი თვითმმართველობის ხელმძღვანელი პირები. პირველადი დათვალიერებით, სტიქიის მსგავსი მასშტაბებით განმეორების საშიშროება აღარ არსებობს.
ამ დროისთვის, ხეობაში რჩება გარემოს ეროვნული სააგენტოს სპეციალისტების ჯგუფი, რომელიც დეტალურად შეისწავლის არსებულ მდგომარეობას”,- ნათქვამია მესტიის მერიის მიერ გავრცელებულ განცხადებაში.
სტიქიის ზონაში, სპეციალური ტექნიკა დილიდან გაწმენდით სამუშაოებს ატარებს.
მესტიის მერია: სტიქიის მსგავსი მასშტაბებით განმეორების საშიშროება აღარ არსებობს
2019/07/27 15:32:54
ნანახია: 526 ჯერ