რუსეთის ხელისუფლებამ პატიმრობაში მყოფ ოპოზიციონერ პოლიტიკოსს, ალექსეი ნავალნის, საბანკო ანგარიშები გაუყინა, – ამის შესახებ „როიტერსი” იუწყება.
ოფიციალური ინფორმაციით, ანგარიშების გაყინვა ფულის გათეთრების ბრალდებით აღძრული საქმის ფარგლებში მიმდინარეობს, თუმცა ნავალნის თანაგუნდელები აცხადებენ, რომ ამით ხელისუფლება ოპოზიციონერი პოლიტიკოსის პოლიტიკური მოძრაობისთვის დარტყმის მიყენებას ცდილობს.
გარდა ამისა, დღეს გავრცელებულ განცხადებაში რუსმა გამომძიებლებმა განაცხადეს, რომ მათ ნავალნის ანტიკორუფციული ფონდისა და მასთან დაკავშირებული 100-ზე მეტი ფიზიკური და იურიდიული პირის ანგარიში გაყინეს.
აღნიშნული გამოძიების ფარგლებში, დღესვე ნავალნის მიერ დაარსებულ „კორუფციასთან ბრძოლის ფონდში” სამართალდამცავებმა ჩხრეკა ჩაატარეს. გამოძიება ნავალნის დაახლოებით მილიარდი რუბლის გათეთრებას ედავება.
ალექსეი ნავალნი რამდენიმე დღის წინ, რუსეთის საპროტესტო აქციის შესახებ კანონის დარღვევის გამო დააკავეს.