მოსკოვში პუტინის რეჟიმის მოწინააღმდეგეთა მიტინგი ოპოზიციის ლიდერის დაკავებით დაიწყო. ლუბოვ სობოლს, რომელიც მოსკოვის სათათბიროს არჩევნებზე საარჩევნო კომისიამ არ დაუშვა, სპეცრაზმმა საარჩევნო შტაბში მიაკითხა.
შენობაში შესვლის კადრები ოპოზიციის კანდიდატმა ტვიტერში გაავრცელა. დაკავების მიზეზი პროკურატურაში განმარტეს და განაცხადეს, რომ მათ ჰქონდათ ინფორმაცია, რომ სობოლი სახაროვის პროსპექტზე დაგეგმილ აქციაზე პროვოკაციას ამზადებდა.
აქცია სამართლიანი არჩვენების მოთხოვნით მოსკოვის ცენტრში 2 საათზე მეტია, მშვიდობიანად მიმდინარეობს. მოსახლეობა ადგილობრივ არჩევნებზე ოპოზიციის ლიდერების დაშვებას, 27 ივლისის და პირველი აგვისტოს აქციებზე დარბევისას დაკავებულების გათავისუფლებასა და მოძალადე პოლიციელების დასჯას ითხოვს.
კომენტარები