რუსეთის, ირანისა და აზერბაიჯანის პრეზიდენტები 14 აგვისტოს სოჭში გამართავენ შეხვედრას.
ირანის პრეზიდენტის პრესსამსახურის ინფორმაციით, სამიტის ფარგლებში, ჰასან როჰანი რუს და აზერბაიჯანელ კოლეგებთან ორმხრივ ფორმატშიც გამართავს შეხვედრებს.
რუსეთ-ირან-აზერბაიჯანის სამიტის შემდეგ, ერთობლივი განცხადება იქნება მიღებული.
სამი ქვეყნის ლიდერების ბოლო შეხვედრა გასული წლის აგვისტოში, „კასპიის ხუთეულის“ ფარგლებში გაიმართა, რომლის დროსაც კასპიის ზღვის სამართლებრივი სტატუსის კონვენციას მოეწერა ხელი.
კომენტარები