“კომედი ჯგუფის“ ძირითადი შემადგენლობა “რუსთავი2“-ზე რჩება. ამის შესახებ “კომედი ჯგუფის” მიერ სოციალურ ქსელში გავრცელებულ განცხადებაშია ნათქვამი.
“რუსთავი 2-ზე 16 წლიანი წარმატებული მუშაობის შემდეგ, “კომედი ჯგუფის” ერთმა ნაწილმა გადაწყვიტა, გადასულიყო “მთავარ არხზე”. წარმატებებს ვუსურვებთ ჩვენს მეგობრებს.
გუნდის ძირითადი შემადგენლობა კი ისევ, “რუსთავი 2“-ის ეთერში ვიტყვით ჩვენს სათქმელს, მაყურებლის საყვარელი გადაცემებით და სხვა მრავალი სიახლით. ასევე, სრული დატვირთვით დაგიბრუნდებათ (ძველ სიხშირეზე) თქვენი უსაყვარლესი “კომედი არხი” “, – ნათქვამია განცხადებაში.
შეგახსენებთ, გუშინ არხიდან წასვლის შესახებ განცხადება გააკეთა “ვანოს შოუს“ წამყვანმა ვანო ჯავახიშვილმა, დღეს კი “რუსთავი 2“ “კომედი შოუს“ ორმა მსახიობმა თამუნა ლეკვეიშვილმა და ვასო ფხაკაძემ დატოვეს.