180 ლარი პენსია, დღეს ეს არის ჩემი შემოსავალი, – ასე უპასუხა ბიზნესმენმა ავთანდილ წერეთელმა მოსამართლე ეკატერინე კულულაშვილის კითხვას, თუ რამდენს წარმოადგენს მისი შემოსავალი. “ბიზნესები ჩემ შვილზეა და ასე ვცხოვრობთ, ერთი ოჯახი ვართ.
თუ გინდათ, სიმართლე გითხრათ, პენსიაც არ მაქვს გაფორმებული. ამათმა იციან, რომ ბოლო 2 წელნახევარია, შემოსავალი არ მაქვს და უნდათ ჩემ შვილზე ზეწოლა მოახდინონ. ტელევიზია უნდათ და ვერ მიიღებენ”, – განაცხადა ავთანდილ წერეთელმა.
ცნობისთვის, გენერალურმა პროკურატურამ ბრალდებული ბიზნესმენის, ავთანდილ წერეთლის მიმართ აღკვეთის ღონისძიების შეფარდებასთან დაკავშირებით სასამართლოს დღეს დილით მიმართა. საგამოძიებო უწყება წერეთლისთვის აღკვეთის ღონისძიების სახით 500 000 ლარის ოდენობის გირაოს შეფარდებას ითხოვს.
კომენტარები