ტელეკომპანია „იბერია“ ნიკა გვარამიას ტელევიზიას შენობას უთმობს. “მთავარი არხი” პირველ ეტაპზე “იბერიის” შენობიდან და მისივე ტექნიკით შეძლებს მაუწყებლობას. ამ პროცესში ნიკა გვარამიას ერთ-ერთი პარტნიორი ზაზა ოქუაშვილი იქნება.
ტელევიზიაში ამ დროისთვის დასუფთავების სამუშაოები მიმდინარეობს. ადგილზე იმყოფებიან ტელეკომპანია “იბერიის” დამფუძნებელი ნატო ჩხეიძე და “რუსთავი 2“-ის საინფორმაციო სამსახურიდან წასული ჟურნალისტები.
ნანუკა ჟორჟოლიანის ინფორმაციით, “მთავარი არხი” მაუწყებლობას სექტემბერში დაიწყებს.
2 დღის წინ “რუსთავი 2”-ის საინფორმაციო სამსახურის ხელმძღვანელად ჟურნალისტი ირაკლი იმნაიშვილი დაინიშნა. მანამდე, არხი საინფორმაციო სამსახურის თანამშრომლების უმრავლესობამ დატოვა.
კომენტარები