გერმანიის პრეზიდენტმა ფრანკ-ვალტერ შტაინმაიერმა პოლონელებს მეორე მსოფლიო ომის დროს ნაცისტური გერმანიის ქმედებების გამო პატიება სთხოვა. BBC-ის ინფორმაციით, ამის შესახებ შტაინმაიერმა პოლონეთის ქალაქ ველიუნში განაცხადა, სადაც მეორე მსოფლიო ომის დაწყებიდან 80 წლისთავისადმი მიძღვნილი ღონისძიებები მიმდინარეობს.
„ქედს ვიხრი გერმანული ტირანიის პოლონელ მსხვერპლთა წინაშე და პატიებას ვითხოვ. ნაცისტებმა პოლონეთში კაცობრიობის წინაშე დანაშაული ჩაიდინეს. თუ ვინმე ამბობს, რომ ეს ყველაფერი წარსულშია და ევროპაში ნაციონალ-სოციალისტების ტერორი ისტორიას ჩაბარდა, ეს მხოლოდ მისი პირადი აზრია“, – განაცხადა გერმანიის პრეზიდენტმა.
შტაინმაიერმა და მისმა პოლონელმა კოლეგამ ანჯეი დუდამ ველიუნში მეორე მსოფლიო ომის მსხვერპლთა მემორიალი გვირგვინით შეამკეს.
PL1918 ENG@PL1918ENGPresident @AndrzejDuda placed a wreath at the Monument to the Victims of the 1st of September 1939, on behalf of the Polish Nation and President Steinmeier laid a wreath on behalf of the German Nation.#80WW2
მეორე მსოფლიო ომის დროს დაახლოებით 6 მილიონი პოლონელი მოკლეს. 80 წლის შემდეგ პოლონეთი გერმანიისგან კომპენსაციას ითხოვს. პრემიერის მატეუშ მორავეცკის მხრიდან ბოლო ასეთ მოთხოვნას გერმანიასთან ურთიერთობების გაუარესება მოყვა.
https://imedinews.ge