სირიაში ქვეყნის უმდიდრესი ადამიანი, პრეზიდენტ ბაშარ ასადის ბიძაშვილი რამი მახლუფი დააკავეს. ბრიტანული The Sun-ის ინფორმაციით, მახლუფის ქონებას რუსეთის წინაშე არსებული დავალიანების დასაფარად გამოიყენებენ.
ოფიციალურად, პოლიციამ ფული კორუფციასთან ბრძოლის ფარგლებში ამოიღო. მომხდარს წინ უძღოდა მახლუფის 22 წლის ვაჟის, მუჰამედის მიერ Instagram-ზე გავრცელებული ფოტოები, რომლებშიც მახლუფების ოჯახის მდიდრული ცხოვრება იყო ასახული. The Sun-ის ინფორმაციით, მახლუფი და მისი სამი ვაჟი შინაპატიმრობაში არიან.
გავრცელებული ინფორმაციით, ბაშარ ასადი იძულებული იყო, ბიძაშვილი დაეკავებინა, მას შემდეგ, რაც რუსეთის პრეზიდენტმა 3 მილიარდი დოლარის ოდენობის დავალიანების გასტუმრება მოითხოვა.
Panama Papers-ის ცნობით, 2011 წელს სირიაში სამოქალაქო ომის დაწყებამდე რამი მახლუფის ქონება 5 მილიარდ დოლარს შეადგენდა. რამი მახლუფის მამიდა – ანისა სირიის მოქმედი პრეზიდენტის ბაშარ ასადის დედაა.
https://imedinews.ge/ge