ამ წუთებში გლდანი-ნაძალავედის სამმართველოს მე-7 განყოფილებაში, თემქაზე, ზღვის უბნის მე-11 მირკო რაიონის 39-ე კორპუსში გარდაცვლილი, 62 წლის სიმა მირზოევას მეუღლესა და შვილს კითხავენ.
ცოტა ხნის წინ დასრულდა ორი მეხანძე-მაშველის დაკითხვა, რომლებმაც პირველებმა ნახეს გარდაცვლილი ქალის ცხედარი. მათ პოლიციის შენობა ცოტა ხნის წინ დატოვეს.
შეგახსენებთ, დღის 12 საათზე ზღვის უბნის მე-11 მიკრორაიონის 39-ე კორპუსის მეექვსე სართულის ერთი საცხოვრებელი ბინიდან მეზობლებმა კვამლი შენიშნეს. სამაშველო სამსახურის თანამშრომლებს გარდაცვლილი ქალბატონი დახვდა.
მეზობლების გადმოცემით, ქალი სავარაუდოდ მოკლეს და შემდეგ სახლში ხანძარი გააჩინეს. ახლობლები არ გამორიცხავენ, რომ თავდამსხმელებმა სახლიდან ფული წაიღეს.
ადგილზე სამართალდამცველები არიან მობილიზებულნი. ქალს, ჭრილობა სავარაუდოდ თავის არეში აქვს მიყენებული.
შსს-ში განგვიმარტეს, რომ ფაქტზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.