ერაყში დაკავებულ 10 ქართველი ქალის შესახებ „პრაიმტაიმისთვის“ ახალი დეტალები ხდება ცნობილი.
როგორც ერთ-ერთი დაკავებულის ოჯახის წევრმა გვიამბო, ქალები 2 კვირის მანძილზე ქალთა იზოლატორში იმყოფებოდნენ, ამჟამად კი სასტუმროში არიან გადაყვანილები.
მისივე ინფორმაციი, საქართველოში კი 2 კვირაში დაბრუნდებიან.
„პრაიმტაიმს“ საგარეო საქმეთა სამინისტროში კი განუცხადეს:
„გასულ კვირას საგარეო საქმეთა სამინისტრომ მიიღო შეტყობინება ერაყის დედაქალაქ ბაღდადში საქართველოს 10 მოქალაქის დაკავებაზე, რომლებიც ეჭვმიტანილები არიან არალეგალური კაზინოს საქმიანობაში მონაწილეობაში. აღნიშნული გამოვლინდა ერაყის შსს-ს მიერ ჩატარებული სპეცოპერაციის შედეგად, რომლის დროსაც 17 უცხოელი – მათ შორის 10 საქართველოს მოქალაქე -დააკავეს. ქართული მხარის აქტიური ჩართულობის შედეგად, დაკავებულები გათავისუფლდნენ წინასწარი პატიმრობიდან, თუმცა სასამართლოს საბოლოო გადაწყვეტილების გამოტანამდე ერაყში დარჩებიან – ქვეყნიდან გაუსვლელობის პირობით. ეჭვმიტანილების ინტერესებს იცავს ადგილობრივი ადვოკატი ასევე იორდანიაში საქართველოს საელჩო, რომელიც მუდმივ კავშირზე იმყოფება ერაყულ მხარესთან“, – აცხადებენ უწყებაში.
შეგახსენებთ, ცოტა ხნის წინ გავრცელდა ინფორმაცია, რომ ერაყში 10 ქართველი ქალი დააკავეს.
ფაქტს ერთ-ერთი დაკავებულის მეუღლე ადასტურებს.