ამერიკელი ბავშვის დაბადების დრო, თარიღი და წონა 9/11-ის ტერაქტის წლისთავს დაემთხვა.
ამერიკელი ქალი მისი შვილის დაბადებას „პატარა სასწაულს“ უწოდებს, რადგან გოგო 9/11-ის ტერაქტის წლისთავზე, საღამოს, ზუსტად 9:11 საათზე დაიბადა. ბავშვის წონა კი 9 ფუნტსა და 11 უნციას შეადგენს, რაც დაახლოებით 4 კილოგრამია.
კრისტინა ბრაუნი ტენესის შტატში დაიბადა. გოგოს მამა ჯასტინ ბრაუნი ამბობს, რომ ასეთ ტრაგიკულ თარიღთან სასიამოვნო ამბის დაკავშირება განსაკუთრებით ამაღელვებელია.
კლინიკის წარმომადგენლის თქმით, 35 წელზე მეტია, რაც ქალთა განყოფილებაში მუშაობას და მსგავსი შემთხვევა არ ახსოვს.
2001 წლის 11 სექტემბრის ტერაქტიდან 18 წელიწადი გავიდა.
დღემდე, 2753 დაღუპულიდან იდენტიფიცირებულია მხოლოდ 1641 მსხვერპლი, მათგან 77% იყო კაცი, 23% – ქალი. ტერაქტს 87 ქვეყნის მოქალაქე ემსხვერპლა.