პარლამენტის ჯანდაცვის კომიტეტის თავმჯდომარე აკაკი ზოიძე აცხადებს, რომ NDI-ის კვლევის შედეგად გამოკვეთილი ტენდენციები საყურადღებოა.
„ტენდენციები საყურადღებოა, რადგან სიღარიბე და უმუშევრობა ქვეყნის ყველაზე დიდი გამოწვევაა. ყურადღება მიმართულია იმისკენ, რომ შეიქმნას ოსეთი სამუშაო ადგილები, რომელიც იმ მოქალაქეებს მოუტანთ შემოსავალს, რომლებიც თავს უკიდურეს სიღარიბეში არ იგრძნობენ. კონკრეტული პრობლემები არსებობს, რომლებზეც გარკვეული პროგრამებია გათვალისწინებული.
საყურადღებოა ისიც, რომ დადებითი ტენდენცია ჯანდაცვის საკითხებთან დაკავშირებით ნარჩუნდება. რაც შეეხება წამლებს, მოსახლეობას ვპირდებით, რომ აღნიშნულ პრობლემას მოვაგვარებთ ყველაზე უფრო მოწყვლადი მოქალაქეებისთვის. ძალიან ბევრი მუშაობა სჭირდება ასევე საპენსიო ფონდს, როგორც ეს მსოფლიოს სხვა ქვეყნებშია, რათა ნდობა მაქსიმალურად მოკლე დროში გამყარდეს“, – განაცხადა აკაკი ზოიძემ.