ხობის მუნიციპალიტეტის სოფელ შავღელეში მგელმა მსხვილფეხა პირუტყვი დაგლიჯა. ადგილობრივების თქმით, ეს პირველი შემთხვევა არ არის და მსგავსი ფაქტი ადრეც დაფიქსირებულა.
ამავეს ადასტურებს ხობის მუნიციპალიტეტის სოფელ შავღელეს ადმინისტრაციულ ერთეულში საკრებულოს დეპუტატი აკაკი მირცხულავაც. როგორც დეპუტატმა “კვირას” განუცხადა, პრობლემის მოსაგვარებლად მონიტორინგის ჯგუფი შექმნილია და დამონტაჟებულია მგლის შესაშინებელი ხმოვანი აპარატურა.
“შავღელეში მსხვილფეხა პირუტყვზე თავდასხმის ფაქტი დადასტურებულია, როგორც ასეთი დაზიანების დონეზე, თუმცა პირუტყვის სიკვდილის ფაქტი ჯერ არ დამდგარა. ჩვენ ყველანაირ ზომას მივმართავთ, რომ მოვახდინოთ ამის პრევენცია. ადგილობრივ მოსახლეობასთან ერთად შექმნილია მონიტორინგის ჯგუფი, დამონტაჟებულია შესაშინებელი ხმოვანი აპარატები”, – აცხადებს დეპუტატი.