“დღეს კიდევ ერთი ახალი, მნიშვნელოვანი საგანმანათლებლო პროექტის პრეზენტაცია ვიხილეთ. ეს არის ქუთაისის საერთაშორისო უნივერსიტეტის პროექტი” – ეს განცხადება დღეს კახა კალაძემ გააკეთა.
დღეს კიდევ ერთი ახალი, მნიშვნელოვანი საგანმანათლებლო პროექტის პრეზენტაცია ვიხილეთ. ეს არის ქუთაისის საერთაშორისო უნივერსიტეტის პროექტი.
მინდა, ვისარგებლო შემთხვევით და მადლობა გადავუხადო საქველმოქმედო ფონდ „ქართუს“ და მის დამფუძნებელს, ბატონ ბიძინა ივანიშვილს ქვეყნისთვის უმნიშვნელოვანესი პროექტისთვის. ეს, რა თქმა უნდა, არ არის პირველი პროექტი, რომელსაც “ქართუ” განათლების სისტემაში ახორციელებს, თუმცა ქუთაისის ახალი საერთაშორისო უნივერსიტეტი თავისი მნიშვნელობით მაინც გამორჩეულია. მივესალმები იმას, რომ გაფორმდა მემორანდუმი იულიხის კვლევით ცენტრთან.
2020 წლის შემოდგომაზე სტუდენტები უკვე სწავლის დაწყებას შეძლებენ. პირველ ეტაპზე, უნივერსიტეტის ინფრასტრუქტურა გაშენდება 170 000 კვ მეტრზე. მშენებლობა გაგრძელდება მომავალშიც და, დაახლოებით, 1 მილიარდის ინვესტიცია განხორციელდება.
დღევანდელი პრეზენტაციით ფარდა აეხადა იმ სიცრუეს, რომელსაც ამ პროექტთან დაკავშირებით ოპოზიციის მხრიდან ვისმენდით. ჩვენ კონკრეტული ქმედითი ნაბიჯებით გავაქარწლეთ სრულიად უსაფუძვლო ბრალდებები.
კიდევ ერთხელ მადლობა საქველმოქმედი ფონდ „ქართუს“ ასეთი მნიშვნელოვანი პროექტისთვის. განათლება არის მთავარი პრიორიტეტი ჩვენი ქვეყნისთვის, მომავალი თაობებისთვის. ჩვენ, რაც შეიძლება, მეტი განათლებული ახალგაზრდა გვჭირდება, რათა შემდეგ მათი ცოდნა ქვეყნის სასიკეთოდ გამოვიყენოთ.