მსოფლიო ერთ-ერთი პოპულარული სუპერგმირის ბეტმენის იუბილეს აღნიშნავს, ამის შესახებ Reuters წერს.
წელს კომიქსის პირველი ნომრის გამოსვლიდან 80 წელი შესრულდა. საზეიმო ღონისძიებები მსოფლიოს 11 ქვეყანაშია დაგეგმილი. პირველებმა ბეტმენის იუბილე იაპონელებმა აღნიშნეს. იქ ერთ ერთ ცათამბჯენზე ბეტმენის სიმბოლო გამოსახეს.
ანალოგიური ღონისძიებებია დაგეგილი მელბურნში, იოჰანესბურგში, ბერლინში, პარიზში, ბარსელობაში, ლონდონში, ნიუ იორკში, ლონდონსა და ლოს-ანჯელესში.
ბეტმენი – გამოგონილი სუპერგმირია, რომელიც DC Comics-ის ამერიკული კომიქსების პერსონაჟია. მისი ავტორები არიან მხატვარი ბობ კეინი და მწერალი ბილ ფინგერი. პერსონაჟის დებიუტი შედგა 1939 წელს, „დეტექტიური კომიქსების“ #27 ნომერში.
სუპერგმირი თავდაპირველად ცნობილი უბრალოდ „Bat-Man“-ის სახელით, გმირი აგრეთვე ნახსენებია სხვა ფსევდონიმებით, რომელთა შორის არის „ბნელი რაინდი“, „ბნელი რაინდი დეტექტივი“, „მსოფლიოს საუკეთესო დეტექტივი“ და „მოსასხამიანი ჯვაროსანი“.