ტყიბულში მეშახტეების აქციას ტყიბულის მერი, თემურ ჩუბინიძე და მერიის სხვა თანამშრომლებიც შეუერთდნენ. ხელისუფლების წარმომადგენლები გაფიცულებს სოლიდარობას უცხადებენ. თემურ ჩუბინიძის თქმით, მეშახტეები მათი მოქალაქეები არიან, მათი პრობლემები ქალაქზეც აისახება და ამიტომ შახტის ამუშავება მნიშვნელოვანია ქალაქისთვის.
ტყიბულში მერიის წინ მეშახტეების აქცია მიმდინარეობს. გაფიცული მეშახტეები ხელფასებს და შახტის ამუშავებას ითხოვენ. მათი განცხადებით, აქციები მათი მოთხოვნების დაკმაყოფილებამდე გაგრძელდება. ამ დრომდე შახტში 30-მდე მეშახტე რჩება და შახტიდან ამოსვლაზე უარს აცხადებენ.
კომენტარები