შეწყალებით ნამდვილად არ ხდება დამნაშავის გამართლება, არამედ ხდება მისთვის სასჯელის ფორმის შეცვლა, – ამის შესახებ საქართველოს რეგიონული განვითარებისა და ინფრასტრუქტურის მინისტრმა, მაია ცქიტიშვილმა განაცხადა.
მისი თქმით, დამნაშავეს ყველა ქვეყანაში იწყალებენ, სადაც პრეზიდენტს ან მონარქს შეწყალების უფლება აქვს.
„შეწყალებით არ ხდება ნამდვილად დამნაშავის გამართლება, არამედ ხდება მისთვის სასჯელის ფორმის შეცვლა. ბევრ ჩვენგანს აქვს კითხვები, რომელი კატეგორიის დამნაშავეებზე უნდა გავრცელდეს შეწყალება, როგორ უნდა წარიმართოს ეს პროცესი, რომ კითხვები არ გვქონდეს და ყველა ვიყოთ დარწმუნებული, რომ შეწყალების პროცესი წარიმართება სწორად და გამართულად“, – განაცხადა ცქიტიშვილმა.
კომენტარები