გორის მუნიციპალიტეტის სოფელ კარალეთში მგელმა ადგილობრივის ვირი დაგლიჯა.
კარალეთის ტერიტორიული ერთეულის რწმუნებულის, იოსებ ჩალაურის განცხადებით, შინაურის ცხოველების დაგლეჯის ფაქტი პირველი შემთხვევა არაა.
“ეს სოფლები აძვის ტყის სიახლოვესაა, საიდანაც ღამ-ღამობით მტაცებელი ცხოველები სოფლებში ჩამოდიან. ბოლო სამი კვირის განმავლობაში ეს უკვე მესამე შემთხვევაა. წინა ორი პატარა გარეჯვარში მოხდა. გუშინ კი კარალეთში ერთ-ერთ ოჯახს მგელმა ვირი დაუგლიჯა. ჩვენ აუცილებლად გამოვნახავთ რამე სახის ბერკეტს,რომ ადგილობრივებს აღნიშნული პრობლემა გადავუჭრათ” – განაცხადა იოსებ ჩალაურმა.
კომენტარები