აშშ-ის პრეზიდენტი დონალდ ტრამპი აცხადებს, რომ საპრეზიდენტო კანდიდატის ჯო ბაიდენისა და მისი შვილის წინააღმდეგ გამოძიება არა მხოლოდ უკრაინამ, არამედ ჩინეთმაც უნდა დაიწყოს, – ამის შესახებ ინფორმაციას „როიტერსი“ ავრცელებს.
„ბაიდენების წინააღმდეგ გამოძიება ჩინეთმაც უნდა დაიწყოს, ვინაიდან ის, რაც ჩინეთში მოხდა, ისეთივე ცუდია, როგორც ის, რაც უკრაინაში მოხდა,“ – განაცხადა ტრამპმა თეთრ სახლში ჟურნალისტებთან საუბრისას.
კითხვაზე, სთხოვა თუ არა მან ჩინეთის პრეზიდენტს, სი ძინპინს გამოძიების დაწყება, დონალდ ტრამპმა ასე უპასუხა: „არა, თუმცა ამაზე ფიქრი ნამდვილად უნდა დავიწყოთ.“
დონალდ ტრამპი აცხადებს, რომ ბაიდენებმა ჩინეთისგან მილიონობით დოლარი მიიღეს. საქმე ეხება მამა-შვილის მიერ ჩინეთში 2013 წელს განხორციელებულ ოფიციალურ ვიზიტს, რომლის მიზანი რეგიონში დაძაბულობის შემცირება იყო. კომპანიამ, რომლის დირექტორთა საბჭოს წევრი ჰანთერ ბაიდენი იყო, ვიზიტიდან ცოტა ხნის შემდეგ ჩინური კაპიტალისგან მსხვილი ინვესტიცია მიიღო.
„ნიუ -იორკ თაიმსის“ ინფორმაციით, ჰანთერ ტრამპი არის კერძო ფონდ BHR Partners-ის 10%-იანი წილის მფლობელი, რომელშიც ჩინურმა სახელმწიფო ბანკმა მსხვილი ინვესტიცია განახორციელა.