საქართველოს პრეზიდენტმა, სალომე ზურაბიშვილმა ბელგიის სამეფოს და საფრანგეთის ბიზნესსექტორის წარმომადგენლებს და ქართველ ქალ ლიდერებს უმასპინძლა.
საქართველოს პრეზიდენტის პრესსამსახურის ინფორმაციით, სალომე ზურაბიშვილმა მიწვეულ სტუმრებს სიტყვით მიმართა და საქართველოში ქალების როლის მნიშვნელობაზე ისაუბრა.
პრეზიდენტმა აღნიშნა, რომ ქალები საქართველოში ძალიან აქტიურად არიან წარმოდგენილი, როგორც პოლიტიკაში, ასევე ბიზნესსა და კულტურაში.
სალომე ზურაბიშვილმა სიტყვით გამოსვლისას საქართველოს ევრო-ატლანტიკურ სტრუქტურებში ინტეგრაციის პროცესზე, კულტურაზე, ეკონომიკაზე და პოლიტიკურ ვითარებაზე ისაუბრა.
პრეზიდენტის სასახლეში გამართულ მიღებას სხვადასხვა სფეროს წარმომადგენელი ქალები ესწრებოდნენ. ასამდე ქართველმა, ბელგიელმა და ფრანგმა ქალბატონმა ღონისძიებაზე სოფლის მეურნეობის, სადაზღვეო სექტორის, ტურიზმის კულტურისა და ხელოვნების სფეროებზე მოსაზრებები გაცვალეს და თანამშრომლობის სამომავლო პერსპექტივები განიხილეს. მიღებას ასევე ესწრებოდნენ საფრანგეთის ელჩი საქართველოში დიეგო კოლასი და ეკონომიკისა და მდგრადი განვითარების მინისტრის მოადგილე ნიკოლოზ ალავიძე.