იტალიელმა დიეტოლოგებმა იტალიელების ხანგრძლივი სიცოცხლის საიდუმლო გაამხილეს. როგორც გაირკვა, იტალიელების კვების რაციონი მდიდარია ცილებით, ფოლიუმის მჟავათი, ანტიოქსიდანტებით და ვიტამინებით A და E. ამის შესახებ ინფორმაციას Lecco Notizie-ი ავრცელებს.
დიეტოლოგები ყველას, ვისაც სურს ორგანიზმს ახალგაზრდობა შეუნარჩუნოს, ურჩევენ რომ კვების რაციონში აქტიურად ჩართონ რძის პროდუქტები, სალათის ფურცლები, მწვანილები და დილით გრეიფრუტის წვენი.
დილით წითელი გრეიფრუტის დამზადებული წვენი და ერთი მუჭა თხილი ორგანიზმს C ვიტამინით, Omega 3-ით, კალცით, ანტიოქსიდანტებით და მინერალური მარილით ავსებს. ასევე დიეტოლოგების რჩევაა კვების რაციონში ადამიანის ერთ კილოგრამზე 1.1 გრამი ცილის მიღება. ეს ადამიანს საშუალებას მისცემს რომ საკმარისი კუნთოვანი მასა შეინარჩუნოს.
იტალია სიცოცხლის ხანგრძლივობით ერთ-ერთ მოწინავე ადგილზეა – კაცები აქ საშუალოდ 81 წელი ცოცხლობენ, ქალები კი 85 წელი.
imedinews.ge