ირანის პრეზიდენტის, ჰასან როუჰანის ძმა, ჰუსეინ ფერეიდუნი, ციხეში გადაიყვანეს. BBC-ის ინფორმაციით, ამის შესახებ ადგილობრივ მედიას თავისმა ადვოკატმა განუცხადა.
მიმდინარე წლის მაისში ჰუსეინ ფერეიდუნს კორუფციის საქმეზე 7-წლიანი პატიმრობა მიესაჯა, თუმცა სააპელაციო სასამართლოში განხილვის შემდეგ პრეზიდენტის ძმას სასჯელის ზომა 2 წლით შეუმცირდა და 310 მილიარდი რიალის გადახდა დაეკისრა. ოფიციალური გაცვლითი კურსის მიხედვით, ჯარიმის თანხა 9,3 მილიონ დოლარს უდრის, თუმცა თავისუფალ ბაზარზე მისი ექვივალენტი სამჯერ უფრო მეტია.
ოფიციალურად ბრალი ჰუსეინ ფერეიდუნს 2016 წელს წაუყენეს. ამ სკანდალის მიუხედავად, ირანის პრეზიდენტი ჰასან როუჰანი მეორე ვადით აირჩიეს. არჩევნებიდან ორი თვის შემდეგ ფერეიდუინი დააპატიმრეს.
კომენტარები