თურქეთის პრეზიდენტმა რეჯეფ თაიფ ერდოღანმა აშშ-ს პრეზიდენტის დონალდ ტრამპის წერილი ნაგვის ურნაში მოისროლა, აღნიშნული ინფორმაცია “ბიბისის” თურქულმა სამსახურმა თურქეთის სამთავრობო წყაროზე დაყრდნობით გაავრცელა.
ცნობისთვის, შტატების პრეზიდენტმა თურქ კოლეგას წერილი 9 ოქტომბერს გაუგზავნა. “ნუ იქნები ხისტი და სულელი,“ – ასე მიმართა წერილში ტრამპმა ერდოღანს.
დოკუმენტის მიხედვით, ვაშინგტონი ანკარას მოუწოდებს ჩრდილოეთ სირიაში სამხედრო ოპერაცია არ დაიწყოს და ქურთებთან მოლაპარაკება სცადოს. 9 ოქტომბრით დათარიღებული ტრამპის წერილი საჯაროდ ახლა გავრცელდა.
კომენტარები