გარდაცვლილი მაიკლ სმიტის დედამ, ლინ სმიტმა, მალხაზ კობაურს, ახლაგაზრდა მწყემსს, რომელსაც მისი შვილის, რძალის და შვილიშვილის მკველობა ბრალდება – წერილი გამოუგზავნა.
წერილი, ამ წუთამდე არა აქვს ხელთ კობაურის ავდოკატებს.
ადვოკატ ალექსანდრე კობაიძის განმარტებით:
“დღეს-დღეობით ისეა, რომ ადამიანი მოატყუეს. უთხრეს რომ, ჩვენ სასამართლო პროცესში გვჭირდება ეს წერილი და უნდა წავიღოთო. მალხაზმა არ იცის ის სტანდარტები რაც ცივილიზებულ, განვითარებულ ქვეყნებში მოქმედებს. იმიტომ, რომ მისი ფსიქიკა სხვანაირადაა განვითარებული და არც კი გაუპროტესტებია, რომ ეს წერილი წაიღეს. თუმცა, შემდეგ გააცნობიერა ის, რომ ეს წერილი არ უნდა წაეღოთ და მას უნდა ჰქონოდა“
კობაურმა ინგლიური არ იცის, მაგრამ მხედველობა უვარგა და კარგად დაინახა, რომ წერილი დიდი იყო, ორგვერდიანი.
უთხრეს, რომ მაიკლ სმიტის დედა, ლინ სმიტი წერს: თუ შენ ხარ დამნაშავე – გაპატიე.
თუ არ ხარ დამნაშავე – მითხარი ვინ მოკლა ჩემი შვილი, დამეხმარე, ჩემი შვილის მკვლელის პოვნაში.
რატომ გაუჩნდა ეჭვი დაზარალებულის ოჯახს? იქნებ, ყოველთვის ჰქონდა ეს ეჭვი?
მით უფრო, რომ გარდა ქართველი სამართალდამცველებისა, საქმეში ჩართული იყო – ამერიკის მხარეც?
დაზარალებული მხარედ აღარ გვყავს საქართველოში ცნობილი, რადგან დაზარალებულის ინტერესებს იცავს პროკურორი.
რატომ შეიტანა ეჭვი დაზარალებულის ოჯახმა მისი ინტერესების დამცველის, პროკურატურის მუშაობაში? – ამაზე ჯერ პროკურატურას განცხადება არ გაუკეთებია.