გლდანში „ავერსის“ აფთიაქში გარდაცვლილი მამაკაცის გარდაცვალების შესახებ ახალი დეტალები ხდება ცნობილი.
40 წლამდე მამაკაცი აფთიაქში შევიდა და იქ მყოფებს უთხრა, რომ თავს შეუძლოდ გრძნობდა. თუმცა, ადგილზე მისულ სასწრაფო სამედიცინო დახმარების ბრიგადას იგი გარდაცვლილი დახვდა.
ცხედარი პროზექტურაში უკვე გადაასვენეს, თუმცა ადგილზე მყოფი გარდაცვლილის ოჯახის წევრები სამართალდამცავებს ცხედარის გადაცემას სთხოვდნენ.
„შემოვიდა, ცუდად ვარო და იქვე დაეცა“ – ამბობს „პრაიმტაიმს“ შემთხვევის თვითმხილველი. მისივე თქმით, როგორც მან ადგილზე ატეხილი ჩოჩქოლის დროს შეიტყო, გარდაცვლილს ბესო ერქვა და ის მუხიანში ცხოვრობდა.
მის ვინაობას „პრაიმტაიმთან“ არც შესაბამისი უწყებები აკონკრეტებენ.
ცნობილია, რომ მამაკაცს წნევა აწუხებდა.
მომხდარ ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.
„პრაიმტაიმი“