გურამიშვილის ქუჩაზე მომხდარი აფეთქების შედეგად დაზიანებული კორპუსის გაწმენდითი სამუშაოები ამ დრომდე მიმდინარეობს.
ნაძალადევის რაიონის გამგებლის მოადგილემ, ირაკლი ანდღულაძემ აფეთქების შედეგად, დაზიანებულ საცხოვრებელ კორპუსთან დაკავშირებით განაცხადა, რომ წინასწარი ვიზუალური დათვალიერებით საცხოვრებელი კორპუსის მდგრადობას საფრთხე არ ემუქრება.
“წინასწარი ვიზუალური დათვალიერებით მთლიან კორპუსს, მის მდგრადობას საფრთხე არ ემუქრება. ჩვენ ვფიქრობთ, რომ უახლოეს მომავალში დანარჩენ მოსახლეობას შევუშვებთ კორპუსში. ახლა მიმდინარეობს, განსაკუთრებით ეპიცენტრი სადაც იყო მეოთხე სართულის დამზღვევი და დასუფთავების სამუშაოები, რადგანაც სამხარაულის საინჟინრო ჯგუფი შევიდეს და გააკეთოს შესაბამისი დასკვნა”,- განმარტა ანდღულაძემ.
ადგილზე გაწმენდითი სამუშაოები ამ დრომდე მიმდინარეობს.
გურამიშვილზე აფეთქება 18 ოქტომბერს მოხდა, შედეგად 4 ადამიანი დაშავდა, ერთი ადამიანის ჯანმრთელობის მდგომარეობა, ვის სახლშიც აფეთქება მოხდა კვლავ მძიმეა და საავადმყოფოში რჩება.