პარიზში, ევროპული მემკვიდრეობის დაჯილდოებაზე მუცოს „საზოგადოების რჩეულის“, მისი რეაბილიტაციის პროექტს კი -,,ევროპა ნოსტრას“ ჯილდო გადაეცა.
ღონისძიებას დაესწრო სალომე ზურაბიშვილი. სამიტზე მუცოს რეაბილიტაციის პროექტი 27 გამარჯვებულს შორის დასახელდა, რომელიც კომპეტენტური ჟიურის მიერ 34 ქვეყნის 149 განაცხადიდან შეირჩა.
პროექტი კონკურსზე, საქართველოს კულტურული მემკვიდრეობის დაცვის ეროვნულმა სააგენტომ 2018 წელს წარადგინა. ცერემონიას სხვადასხვა ქვეყნიდან 1000-ზე მეტი სტუმარი დაესწრო, მათ შორის იყვნენ საქართველოს დელეგაციის წევრებიც.
საქართველოს რესტავრაციის ისტორიაში ერთ-ერთი ურთულესი და მასშტაბური ძეგლის, მუცოს აღდგენისა და გადარჩენის პროექტს 2014 წლიდან საქართველოს მთავრობის, განათლების, მეცნიერების, კულტურისა და სპორტის სამინისტროსა და ფონდ „ქართუს“ მხარდაჭერით, კულტურული მემკვიდრეობის დაცვის ეროვნული სააგენტო ახორციელებს.
