ანუკი არეშიძის ჩვენება Mercedes Benz Fashion Week-ის ფარგლებში ღია ცის ქვეშ ჩატარდა. დიზაინერმა მოწვეულ სტუმრებს პატარა ნერგები დაურიგა, მოსაწვევს კი დიდი ასოებით ეწერა: “თითოეული მცენარე მნიშვნელოვანია!” შოუს ბოლოს გია ყანჩელის “ყვითელი ფოთლების” თანხლებით ქართველი დიზაინერი მაყურებლის წინაშე თავის ოთხ შვილთან ერთად წარსდგა. ჩვენების დასრულების შემდეგ დიზაინერმა სოციალურ ქსელში დაწერა:
“SS 2020 Done! Today, we have hosted the brightest ANOUKI show ever! Thank you everyone for everything!
ყველას უღრმესი მადლობა მობრძანებისთვის, უდიდესი შრომა ჩავდეთ მეც და ჩემმა გუნდმაც და მინდა მადლიერება გამოვხატო თითოეული მათგანის მიმარათ!
პ.ს. ბოლოს ეს ოთხი ბიჭი,ჩემი უდიდესი სტიმულია ცხოვრებაში, ვიყო ჩემი საქმის მიმართ ერთგული და თავდადებული, ასევე ერთგვარი გზავნილია , რომ შეგვიძლია ვაკეთოთ ჩვენი საქმე და ამავდროულად ვიყოთ აქტიური დედები, მოკლედ გოგოებო წინ!ჩვენი ოცნებების ასრულებისკენ” – წერს ანუკი არეშიძე.