სპეციალური კომისიის წევრები მარტვილის შემდეგ, აღწერას აბაშაში გააგრძელებენ. ჭყონდიდის ეპარქიის გადაბარების პროცესთან დაკავშირებით, სპეციალურმა კომისიამ მარტვილის საპატრიარქო რეზიდენციაში მუშაობა განაახლა, სამუშაოებს მეუფე გრიგოლი (კაცია) ხელმძღვანელობს. კომისია პირველად 3 ნოემბერს შეიკრიბა, რომელსაც პეტრე ცაავაც ესწრებოდა.
სპეციალური კომისიის წევრების ინფორმაციით, მას შემდეგ, რაც მარტვილის ტერიტორიაზე არსებული ეკლესია-მონასტრების ინვენტარიზაცია და ფინანსური აღწერა დასრულდება ისინი, აბაშაში გადაინაცვლებენ.
შეგახსენებთ, რომ ჭყონდიდის ეპარქიაში ახალი მმართველის დანიშვნის შემდეგ, გადაბარების პროცესი გუშინ დაიწყო, თუმცა რა ვადებში დასრულდება ერთ-ერთი უდიდესი ეპარქიის ქონების აღწერა, ჯერ-ჯერობით უცნობია.
კომენტარები