თბილისის ზღვაზე მომხდარი მკვლელობის შესახებ ახალი დეტალები გახდა ცნობილი. მოკლული “პატრიოტთა ალიანსის” ერთ-ერთი ლიდერის, ემზარ კვიციანის ოჯახის ახლობელია. საყურადღებოა, რომ დაკარგულია ბექა კვიციანი, დეპუტატის ძმისშვილი. ინფორმაციას ადასტურებს ემზარ კვიციანი.
“არ ვიცი, არაფერი ინფორმაცია არ გვაქვს იმის გარდა, რომ ორივე დაკარგულები იყვნენ, ორივეს ეძებდნენ. ნოდარ ცხადაძე მოინახა და ბექა ჯერ არ არის მოძებნილი. არაფერი ვიცი, არიან ერთმანეთის ნათესავები, ერთად გაზრდილები და ჩემი ძმისშვილი მისი ბავშვის ნათლიაა. ამიტომ , ჯერ ვერაფერს გეტყვით. არაფერი ვერსია არ არსებობს. ჩემი ძმისშვილი ამ დრომდე არ გამოჩენილა”, – აცხადებს ემზარ კვიციანი.
კომენტარები