ჟურნალისტი ბონდო მძინარაშვილი ფეისბუქის საკუთარ გვერდზე შემდეგი შინაარსის სტატუსს აქვეყნებს: „მალაშხია ანაკონდაზე – ასეთ იდიოტობას მალაშხიასგანაც არ ველოდი.
თურმე ანაკონდა ადამიანს, როცა ყლაპავს და მკერდამდე ამოვა, ბაც! – უცბად ხელებს გაშლი, ვეღარ აგრძელებს ყლაპვას და ანაკონდაც კვდება.
თან ეს მეთოდი აფრიკულ ტომებში გამოუგონიათ.
ოღონდ ანაკონდა სამხრეთ ამერიკაში ბინადრობს. იმათ ვერ გამოიგონეს და რომელიღაც აფრიკულ ტომს გამოუგონია ანაკონდას დაჭერის ეს მეთოდი.
მალაშხიამ, სადღაც ინტერნეტში, რაღაც სისულელე წაიკითხა, დააკოპირა, დოკუმენტურ ფილმში გადაიტანა და მთელ ქვეყანას არწმუნებს, რომ აფრიკული ტომები სამხრეთ ამერიკაში ანაკონდებს გაშლილი ხელებით ახრჩობენ, ოღონდ ამ დროს მკერდამდე უკვე ანაკონდას მუცელში არიან.
ანაკონდა იქით, სამხრეთ ამერიკაში იყოს და ასეთი იდიოტები, როგორ იყვნენ აქეთ, საქართველოს ხელისუფლებაში?!“, – წერს ბონდო მძინარაშვილი.