ოზურგეთში ადმინისტრაციულ შენობაში შესულ ოპოზიციას ერთ-ერთი თანამშრომელი ცოცხზე გაკრული მიხეილ სააკაშვილის სურათით დახვდა.
“ესაა თქვენი მთავრობა, თქვენ ხართ მკვლელების მთავრობა”, – მიმართავდა თანამშრომელი “ნაციონალური მოძრაობის” წევრებს. რაზეც საკრებულოს წევრმა ”ნაციონალური მოძრაობიდან” ბესო ქათამიძემ ცოცხით დახვედრილ ქალს ასე უპასუხა: “დასაქმებული მაგიტომ ხარ, რომ სამუშაო საათებში ცოცხით ირბინო?”.
ამის შემდეგ, ნაციონალური მოძრაობის წევრებმა ადმინისტრაციული შენობის წინ მდგარი პალმის ხე “დააბოქლომეს”.
„თქვენს ლიდერს უყვარს ხეები და იყოს სიმბოლურად ეს ხე დაბოქლომებული“, -თქვა ენმ-ს ერთ-ერთმა წევრმა.
აქციის დასრულების შემდეგ, პარტიის მხარდამჭერები თბილისში დაგეგმილ აქციაზე წავიდნენ.
კომენტარები