რუსთაველზე აქციიდან 23 წლის მამაკაცი კლინიკა „ამტელში“ ალკოჰოლური ინტოქსიკაციით შეიყვანეს. ამის შესახებ საქართველოს პირველ არხს კლინიკა „ამტელში“ განუცხადეს.
„გამთენიისას შემოიყვანეს 23 წლის პაციენტი ალექსანდრე ბ. მისი დიაგნოზია ალკოჰოლური ინტოქსიკაცია. პაციენტს ამჟამად უტარდება სათანადო მკურნალობა, მდგომარეობა დამაკმაყოფილებელია. რამდენიმე საათში დატოვებს კლინიკას. ჩატარებულია ანალიზები, ლაბორატორიული კვლევები“, – აცხადებენ კლინიკაში.
ჯანდაცვის სამინისტროს ინფორმაციით, პარლამენტთან მიმდინარე აქციიდან კლინიკებში ოთხი ადამიანი გადაიყვანეს, რომელთაგან ერთი უკვე გაეწერა.
კომენტარები