გორში 18 წლის ახალგაზრდა დაჭრეს. ბიჭს ბასრი საგნით სამი ჭრილობა აქვს მუცლის არეში მიყენებული.
არსებული ინფორმაციით, დაჭრილი სამხედრო სამსახურს გადის, თუმცა დათხოვნილი იყო. დაჭრილი გორის სამედიცინო ცენტრ „გორმედშია“ გადაყვანილი. მას ოპერაცია ჩაუტარდა.
ექიმების განცხადებით, მისი ჯანმრთელობის მდგომარეობა მძიმეა. შსს-ს ინფორმაციით, დანაშაულში ბრალდებული დაკავებულია. გამოძიება სისხლის სამართლის კოდექსის 19-109 მუხლით მიმდინარეობს, რაც განზრახ მკვლელობის მცდელობას გულისხმობს.
კომენტარები