პარლამენტის დამოუკიდებელი დეპუტატის ლევან გოგიჩაიშვილის შეფასებით, მმართველმა გუნდმა წინა ხელისუფლების მიერ შექმნილი სისტემა გადმოიბარა და ყველაფერი გააკეთა იმისათვის, რომ ქვეყანაში პოლიტიკური ორპოლუსიანობა შენარჩუნებულიყო.
“მე ერთი რამ ვიცი, რომ აკო მინაშვილისგან თავს იცავთ, რომ შემოხვიდეთ პარლამენტის შენობაში. მე ვფიქრობ, რომ ეს არ უნდა მოახერხო, რომ გოკა გაბაშვილის გამო გამოიყვანო სპეცრაზმი, რადგან ადამიანებმა, რომლებმაც ყველაფერი გააკეთეს იმისთვის, რომ ეს საზოგადოება უბედური ყოფილიყო, ამ ადამიანებისგან მოგიწიოთ თავის დაცვა. და რატომ მოხდა ეს, იმიტომ რომ სამწუხაროდ პოლიტიკურმა გუნდმა სისტემა გადმოიბარა. “ქართულ ოცნებაში“ მინიმუმ 12 კაცია, ვისაც პირველ ოქტომბერს აქვს “ნაციონალურ მოძრაობისთვის” ხმა მიცემული. ყველაფერი გააკეთეთ იმისთვის, რომ სისტემა შენარჩუნებულიყო და დამნაშავეები გარეთ ყოფილიყო. დღესაც, “ნაციონალური მოძრაობა” გჭირდებათ იმისთვის, რომ ორპოლუსიანობა შენარჩუნდეს და ყველაფერი დაიხუთოს ამ ქვეყანაში. რატომ ჩააგდეთ ეს ქვეყანა ამ მდგომარეობაში?!” – აღნიშნა ლევან გოგიჩაიშვილმა.