პარტია „ქართული ოცნება-დემოკრატიული საქართველოს“ გენერალური მდივანის, დედაქალაქის მერ კახა კალაძის განცხადებით, ოპოზიციურ პარტიებს, რომლებიც დესტრუქციულ ქმედებებს ახორციელებენ, პოლიტიკური კრიზისი აქვთ.
კალაძის განცხადებით, „ქართული ოცნება“ ხელისუფლებაში თუ ოპოზიციაში ყოფნისას, ყოველთვის კონსტრუქციული იქნება.
„პოლიტიკური კრიზისი აქვს ოპოზიციას, იმ კონკრეტულ პარტიებს, რომლებიც დღეს ეწევიან დესტრუქციულ ქმედებებს. მათ ნამდვილად აქვთ პოლიტიკური კრიზისი. ჩემთვის არ არის მისაღები დესტრუქციული ქმედებები. ვფიქრობ, კონსტრუქციულობა არის მნიშვნელოვანი ისევ და ისევ ჩვენი ქვეყნის ინტერესებიდან გამომდინარე, ქვეყნის განვითარებისთვის, წინსვლისთვის. ყოველთვის მექნება ეს დამოკიდებულება. შეიძლება, დღეს ხელისუფლებაში ვარ, ხვალ ოპოზიციაში ვიყო, ჩვენი გუნდით, ჩვენი პარტიით, „ოცნება“ მყავს მხედველობაში, მაგრამ ქვეყნის ინტერესების წინააღმდეგ არასდროს წავალთ, არასდროს ვიქნებით დესტრუქციულები, ვიქნებით კონსტრუქციულები, რადგან ყოველთვის გამოვდიოდით, გამოვდივართ და მომავალშიც გამოვალთ ქვეყნის ინტერესებიდან გამომდინარე“ ,- განაცხადა კალაძემ.