ლევან ნიკოლეიშვილი – აშკარაა, რომ თავის დასაბმელად, ჯაჭვები და ბოქლომები მართლაც დასჭირდებათ

„თუ ნაციონალსატელიტრადიკალების რეაქციას შევხედავთ, გაცოფდნენ, არა ჯერ სულ არ გაგიჟებულან, მაგრამ აშკარაა, რომ თავის დასაბმელად ჯაჭვები და ბოქლომები დასჭირდებათ“, – ასე გამოეხმაურა ექსპერტი ლევან ნიკოლეიშვილი სოციალურ ქსელში ბიძინა ივანიშვილის ინტერვიუს.
მისი თქმით, ბიძინა ივანიშვილმა გუშინ კიდევ ერთხელ გაუსვა ხაზი ნაციონალსატელიტრადიკალების ავსაქმიანობას და ყველას მოუწოდა, არჩევნების გზით შეეცადონ პარლამენტში მოხვედრას.
„ბიძინა ივანიშვილის ინტერვიუ რომ მართლაც საინტერესო გამოვიდა, ამაში რამდენიმე ფაქტმა კიდევ ერთხელ დამარწმუნა: თუ ნაციონალსატელიტრადიკალების რეაქციას შევხედავთ, გაცოფდნენ, არა ჯერ სულ არ გაგიჟებულან, მაგრამ აშკარაა, რომ თავის დასაბმელად, ჯაჭვები და ბოქლომები მართლაც დასჭირდებათ. მეორე ინდიკატორი ხუხაშვილ-უსუფაშვილის შეფასება იყო დიანა ტრაპაიძის გადაცემაში – იქნებ სხვა გზები ვეძებოთო, ნაციონალებთან ალიანსი არ გამოდგებაო, როგორც იქნა, წამოსცდათ. არადა ბიძინა ივანიშვილმა, ეს დიდი ხანის წინ თქვა, უბრალოდ, გუშინ კიდევ ერთხელ გაუსვა ხაზი ნაციონალსატელიტრადიკალების ავსაქმიანობას და ყველას მოუწოდა, არჩევნების გზით შეეცადონ პარლამენტში მოხვედრას.
მომეწონა ზოგიერთი არასამთავრობოს მხილება მათ აშკარად პოლიტიკურ და, სამწუხაროდ, ტენდენციურ მოქმედებაში. კარგი აზრია, საჭიროების შემთხვევაში ამერიკის ადმინისტრაციისთვის წერილით მიმართვის შესახებ, როგორ ცდილობენ ამერიკელი ხალხის ფულით დაფინანსებული არასამთავრობოები იგივე ამერიკელი და ქართველი ხალხის ურთიერთობების გაფუჭებას.
და ყველაზე მთავარი: გამახსენდა ერთ-ერთ საჯარო ლექციაზე სტუდენტებმა შეკითხვა დაუსვეს უცხოელ პროფესორს – „რა უნდა გავაკეთოთ, რომ ჩვენი ქვეყანა უკეთესი გახდესო?“ იცით, რა უპასუხა უცხოელმა? – „თქვენი ქვეყანა უნდა გიყვარდეთო!“
დიახ, გეთანხმებით, ბატონო ბიძინა, ქვეყნის სიყვარულით იწყება ყველაფერი, სახელმწიფოც, ეკონომიკური განვითარებაც და დემოკრატიული ფასეულობებიც… დიახ, თუ ქვეყანა გიყვარს, მის დანგრევაზე კი არა, აშენებაზე ფიქრობ, ფიქრობ, როგორ გააკეთო ყველაფერი ისე, რომ ქვეყნის ინტერესები არ დაზიანდეს, თან არ დაგავიწყდეს, რეალურად რისი შესაძლებლობები გაქვს და რამდენი ხანი დაგჭირდება ამისთვის – მე პირადად ასე გავიგე გუშინდელი ინტერვიუ, ვინც სხვანაირად მიიღო, თავის თავს დააბრალოს… ჩვენ კი ერთად, მშვიდობიანად ვაშენოთ ჩვენი ქვეყანა“, – წერს ლევან ნიკოლეიშვილი.