ქარელის მუნიციპალიტეტის სოფელ დირბში 24 წლის ცოლის ძმამ 22 წლის სიძე მისსავე საცხოვრებელ სახლში მოკლა. მამაკაცს სასიკვდილო ჭრილობა ნაჯახით აქვს მიყენებული. მოკლულს ორი მცირეწლოვანი შვილი დარჩა.
ადგილობრივებს მოხდარის ვერსიებზე საუბარი უჭირთ. სოფელში მხოლოდ იმას ამბობენ, რომ მკვლელობის მიზეზი სავარაუდოდ ურთიერთშელაპარაკება გახდა.
თუმცა ამბობენ, რომ შელაპარაკების მიზეზი ცოლ-ქმარს შორის არსებული კონფლიქტი იყო.
ერთ-ერთი მეზობელი ლაურა კავსაძე “კურიერთან” საუბრისას აღნიშნავს, რომ ცოლ-ქმრის დაშორების შესახებ ინფორმაცია ჰქონდათ, თუმცა მისი თქმით, ბოლოს ისინი შერიგდნენ.
“ეს გოგო სამტრედიაში იყო გათხოვილი და ამ დღეებში გავიგეთ, რომ ოჯახიდან იყო წამოსული შელაპარაკების გამო. ქმარი მოსულა გუშინ შესარიგებლად და კარგად ჩაიარა ყველაფერმა, როგორც ვიცით შერიგდნენ, მაგრამ სიძეს უთქვამს ცოლისძმისთვის ჩამოდი, ბაჩანა, დავილაპარაკოთო, ჩასულან დაბლა და ხუთ წუთში მოხდა ზუსტად ეს ამბავი,” განაცხადა ლაურა კავსაძემ.
მომხდარ ფაქტზე შსს-მ გამოძიება სისხლის სამართლის კოდექსის 108-ე მუხლით დაიწყო.
მომხდარ ფაქტზე შსს-მ გამოძიება სისხლის სამართლის კოდექსის 108-ე მუხლით დაიწყო. პოლიციამ ბრალდებული უკვე დააკავა.