მარიანა ჩოლოიანს აღკვეთის ღონისიძიების სახით პატიმრობა შეეფარდა. ამის შესახებ ბრალდების მხარის წარმომადგენელმა ჟურნალისტებთან საუბრისას განაცხადა. მისი თქმით, პროკურატურა პატიმრობას მოითხოვდა იმ მოტივით, რომ არ მომხდარიყო ბრალდებულის მიერ გამოძიებისთვის ხელის შეშლა, მოწმეებზე ზეწოლა ან მტკიცებულებების განადგურება. პროცესი საავადმყოფოში გაიმართა, რადგან ბრალდებული 18 დეკემბრის შემდეგ, ბრალის წარდგენის დროს შეუძლოდ გახდა.
წინასასამართლო 2020 წლის 12 თებერვალს გაიმართება.
გამომძიებელი მარიანა ჩოლოიანი 15 წლის ლუკა სირაძის თვითმკვლელობის საქმეზეა დაკავებულია და მის მიმართ წარდგენილი ბრალი ჩვენების იძულებით მიცემას გულისხმობს.
კომენტარები