ცოტნე გამსახურდიას ჯანმრთელობის მდგომარეობა ისევ მძიმეა. მას 2 ოპერაცია გუშინ გვიან ღამითვე ჩაუტარდა, თუმცა ექიმები არ გამორიცხავენ, რომ კიდევ ერთი – ქირურგიული ჩარევა გახდეს საჭირო. ცოტნე გამსახურდიას ნაკვეთი ჭრილობები თავისა და გულ-მკერდის არეში აქვს მიყენებული.
რა გახდა ცოტნე გამსახურდიას დაჭრის მიზეზი ამაზე გამსახურდიას მეგობრები დაზუსტებით ვერ საუბრობენ, თუმცა არ გამორიცხავენ, რომ ამას პოლიტიკური მოტივი ჰქონდეს. ასევე არ ადასტურებენ გავრცელებულ ინფორმაციას, რომ შესაძლოა პირველი პრეზიდენტის შვილი, წარსულში უთანხმოების გამო დავით ბაჯელიძეს დაეჭრა. გამსახურდიას მეგობრები დროულ გამოძიებას ითხოვენ.
ცოტნე გამსახურდია, ვერაზე, გალის ქუჩაზე, მის საცხოვრებელ სახლთან გუშინ საღამოს 7 საათისთვის დაჭრეს.
კომენტარები