ცოტნე გამსახურდიას მკვლელობის მცდელობისა და დანაშაულის შეუტყობინებლობის ბრალდებით დაკავებულ 4 პირს პატიმრობა შეეფარდა, ამავე საქმეზე დანაშაულის შეუტყობინებლობის ბრალდებით დაკავებული თორნიკე ქვათაძე კი სასამართლომ სხდომათა დარბაზიდან გაათავისუფლა.
დაკავებულ პირებს: პეტრე ყუფარაძეს, თორნიკე ქვათაძეს, გიორგი სოლოღაშვილს, კახა ჩხეტიანს და ტატო ღარიბაშვილს ბრალი ოფიციალურად გუშინ წაუყენეს. გიორგი სოლოღაშვილს ბრალი განსაკუთრებით მძიმე დანაშაულის შეუტყობინებლობიდან მკვლელობის მცდელობის მუხლით გადაუკვალიფიცირდა. პროცესზე მან დანაშაული აღიარა.
პროკურატურა ქვათაძის მიმართ მიღებული გადაწყვეტილების გასაჩივრებას ზემდგომ ინსტანციაში გეგმავს. საქმეზე სასამართლოს შემდეგი სხდომა 12 თებერვალს გაიმართება.
კომენტარები