საქართველოში ვიზიტით მყოფი ვატიკანის სახელმწიფო მდივანი, კარდინალი პიეტრო პაროლინი საქველმოქმედო სახლს “კარიტასს” ეწვია. შეხვედრას ოჯახთან ერთად დე ფაქტო რეჟიმის პატიმრობიდან გათავისუფლებული ექიმი ვაჟა გაფრინდაშვილი ესწრება. პიეტრო პაროლინი ოჯახთან სტუმრობას აპირებდა, თუმცა ექიმის გათავისუფლების შემდეგ შეხვედრა დღეს შედგა.
პიეტრო პაროლინის საქართველოში ვიზიტის მიზანი ქვეყანასთან 25 წელზე მეტი ურთიერთობის შეჯამება და სამომავლო პროექტების განხილვაა.
სამდღიანი ვიზიტის ფარგლებში პაპი სხვადასხვა კონფესიების წარმომადგენლებს ეწვევა, დღეს კი 19:00 საათზე, საქართველოს საპატრიარქოში ილია მეორესთან შეხვედრაა დაგეგმილი.
კარდინალ პაროლინის ვიზიტი საქართველოში გუშინ დაიწყო. ის საქართველოს პრემიერ-მინისტრს და პარლამენტის თავმჯდომარეს შეხვდა. ასევე, ქეთევან ციხელაშვილთან ერთად გუგუტიანთკარსა და წეროვანში იმყოფებოდა.