დამწვრობის ცენტრის ხელმძღვანელი გუგა ქაშიბაძე მოსახლეობას მოუწოდებს, რომ პიროტექნიკის გამოყენებისას ელემენტარული წესები აუცილებლად დაიცვან.
მისივე თქმით, ხშირ შემთხვევაში, წესების დაუცველობის გამო, ხელები და გულ-მკერდის არე უზიანდებათ.
“მოსახლეობის მიმართ, ჩვენი მრავალჯერადი გაფრთხილების მიუხედავად, მაინც საკმაოდ ხშირია პიროტექნიკით დაზიანებული პაციენტები, განსაკუთრებით კი ბავშვები, რადგან დაახლოებით 60% სწორედ მათზე მოდის, ხოლო 40% კი მოზრდილებზე. თითქმის ყველა შემთხვევა ელემენტარული უსაფრთხოების წესების დაუცველობაა, ძალიან ხშირად ზიანდება ხოლმე ხელის როგორც მარჯვენა ასევე, მარცხენა მტევანი, შემდეგ კი სახისა და გულ-მკერდის არე.
კიდევ ერთხელ მინდა მოსახლეობა გავაფრთხილო და მოვუწოდო, რომ ბავშვებისათვის მაინც არ გახდეს პიროტექნიკა ხელმისაწვდომი, თუ გვინდა მათი გამოყენება, ელემენტარული წესები აუცილებლად უნდა დავიცვათ,” – განაცხადა დამწვრობის ცენტრის დირექტორმა გუგა ქაშიბაძემ.
