საქართველოს კალათბურთელთა ეროვნულმა ნაკრებმა 2021 წლის ევროპის ჩემპიონატის შესარჩევი ეტაპის მეორე შეხვედრაში სერბეთის ნაკრები დაამარცხა.
შეხვედრა ანგარიშით 94-90 დასრულდა. პირველი ტაიმი მასპინძლებმა ანგარიშით 48-41 მოიგეს, თუმცა მეორე ნახევარში საქართველოს ნაკრებმა ანგარიშის გათანაბრება და წინ გასვლა მოახერხა. შეხვედრის ყველაზე შედეგიანი მოთამაშე საქართველოს ნაკრების წევრი თად მაკფადენი გახდა, რომელმაც 33 ქულა დააგროვა. გიორგი შერმადინმა კი ორმაგი დუბლი შეასრულა.
შემდეგ მატჩს საკვალიფიკაციო ეტაპის ფარგლებში საქართველოს ნაკრები უკვე ნოემბერში გამართავს. საქართველოს, როგორც ტურნირის ერთ-ერთ მასპინძელს, ევროპის ჩემპიონატზე თამაში გარანტირებული აქვს.
კომენტარები