უზბეკეთის პრეზიდენტი ისლამ კარიმოვი 79 წლის ასაკში გარდაიცვალა. ამის შესახებ სააგენტო Reuters-ი სამ დიპლომატიურ წყაროზე დაყრდნობით წერს.
მანამდე ისლამ კარიმოვის გარდაცვალების შესახებ ინფორმაცია ცენტრალურაზიურმა სააგენტომ “ფერგანამ” გაავრცელა.
სააგენტოს ცნობით, უზბეკეთის პრეზიდენტის მშობლიურ ქალაქში, სამარკანდში დაკრძალვისთვის ემზადებიან. კერძოდ, ქალაქში გადაკეტილია ქუჩები, სამარკანდში მოულოდნელად უზებეკთის პრემიერ-მინისტრიც ჩავიდა.
2 სექტემბერს უზბეკეთის მთავრობამ განაცხადა, რომ პრეზიდენტის მდგომარეობა კრიტიკულია. ისლამ კარიმოვი საავადმყოფოში ინსულტის დიაგნოზით 27 აგვისტოს მოათავსეს.
კომენტარები