კორონავურისზე ანალიზი კვლევა დღეიდან ბათუმშიც არის შესაძლებელი, ტესტები უკვე მიღებულია – კორონავირუსზე ანალიზის პასუხის მიღება 3 საათში იქნება შესაძლებელი. ინფორმაცია ,,რეგიონულ კვირას“ დაავადებათა კონტროლის ცენტრის აჭარის სამმართველოს უფროსმა, ნინო გუგუშვილმა დაუდასტურა.
,,პირველ ეტაპზე, რეგიონში 100 ტესტი მივიღეთ, თუმცა, საჭიროების შემთხვევაში, ტესტების მიღება არ შეფეხდება. ჩვენი ლაბორანტები მობილიზებულნი არიან, რათა კვლევები ჩავატაროთ და დავადასტუროთ, აქვს თუ არა პაციენტს კორონავირუსი. ლაბორატორია, ასევე, დასავლეთ საქართველოს მოემსახურება“, – განაცხადა ნინო გუგუშვილმა.
ბათუმის ინფექციურ საავადმყოფოში, ამ ეტაპზე, არცერთი საეჭვო პაციენტი არ იმყოფება. გონიოში კი კარანტინში 30 ადამიანი რჩება.
კომენტარები