“ყველამ ერთად უნდა მოუწოდოს მოსახლეობას, რომ მაქსიმალურად თავი შევიკავოთ გადაადგილებისაგან, თუ ამის გადაუდებელი აუცილებლობა არ არსებობს,” – ამის შესახებ თბილისის მერმა კახა კალაძემ “კურიერის” კითხვის საპასუხოდ განაცხადა – ხომ არ იგეგმება დამატებითი ავტობუსების გამოყოფა მგზავრთა ნაკადის გაზრდის შესაბამისად.
თბილისის მერის განმარტებით, დედაქალაქის მთავრობას ავტობუსების ნაკლებობისა ან საწვავის პრობლემა არ აქვს.
“ჩვენ უნდა შევთანხმდეთ ერთ რამეზე და მხარდაჭერა და დახმარება აუცილებლად დაგვჭირდება. ყველა ვხვდებით, რომ დღეს ჩვენ ავტობუსების ნაკლებობა ან საწვავის პრობლემა ნამდვილად არ გაგვაჩნია. რატომ ხდება ამ გადაწყვეტილებების მიღება, ისევ და ისევ საზოგადოების უსაფრთხოებიდან გამომდინარე. შესაბამისად, მხოლოდ ხელისუფლება ამ ბრძოლაში ვერ იქნება წარმატებული. მნიშვნელოვანია კონსოლიდაცია, ერთობა. შესაბამისად, როდესაც მე გთხოვეთ დახმარება და მხარდაჭერა მედიას, არის ის, რომ ყველამ ერთად უნდა მოუწოდოს მოსახლეობას რომ მაქსიმალურად თავი შევიკავოთ გადაადგილებისაგან, თუ ამის გადაუდებელი აუცილებლობა არ არსებობს, – განაცხადა კახა კალაძემ.
გარდა ამისა, “კურიერის” კითხვაზე – სამარშუტო ტაქსების მძღოლები, რომელიც დღეიდან დროებით აღარ იმოძრავებენ, ხომ არ დარჩებიან ანაზღაურების გარეშე. კალაძემ აღნიშნა, რომ ამის საშიშროება არ არსებობს.
“მძღოლებს ჩვენ დავეხმარებით, ჩვენ გვქონდა კომუნიკაცია კომპანიასთან და კომპანია გააკეთებს ის, რომ მძღოლები არ დარჩნენ შემოსავლის გარეშე ამ მძიმე პერიოდში,” – აღნიშნა კახა კალაძემ.