ჩვენი ბრძოლა პანდემიასთან ეს არის უკვე ომი და ომის მდგომარეობაში ვართ, – ამის შესახებ ფინანსთა მინისტრმა, ივანე მაჭავარიანმა განაცხადა.
მისი თქმით, ამ ეტაპზე, ხელისუფლების და მოქალაქეების მთელი ძალისხმევა პირველ რიგში, მიმართული უნდა იყოს პანდემიის შეჩერებაზე.
„ჩვენი ბრძოლა პანდემიასთან, პრაქტიკულად, როგორც დღეს ხშირად ამბობენ, ეს არის უკვე ომი და ომის მდგომარეობაში ვართ, უბრალოდ მტერი არის უხილავი და აქედან გამომდინარე, კიდევ უფრო ვერაგი. შესაბამისად, ამ ეტაპზე, მთელი ძალისხმევა ჩვენი ხელისუფლების და ზოგადად, ჩვენი მოქალაქეების, პირველ რიგში, მიმართული უნდა იყოს ამ პანდემიის შეჩერებისა და საბოლოო ჯამში მისი ამოძირკვისკენ. მინდა, გითხრათ, რომ ამ მხრივ საქართველო საკმაოდ კარგად გამოიყურება საერთაშორისო არენაზე, როგორც კორონავირუსთან ბრძოლის მიმართებით“, – განაცხადა მინისტრმა.