„პარტია ქართული“ ოცნების აღმასრულებელი მდივანი ვარაუდობს, რომ ამჟამინდელ მმართველ პარტიას მომავალ პარლამენტში დაახლოებით 90 მანდატი და მყარი უმრავლესობა ექნება. ამის შესახებ ირაკლი კობახიძემ „ღია ეთერში“ განაცხადა.
კობახიძემ 40%-იანი ჩამკეტის მოქმედების მექანიზმი ახსნა. პარლამენტის ყოფილი თავმჯდომარის პროგნოზით, არჩვნების შემდეგ კოალიციური მთავრობის საჭიროება არ დადგება.
„ჩამკეტი მოქმედებს მარტივად. იმ შედეგი, რაც ჩვენ გვაქვს გათვლილი, ყოველი მეორე ხმა ჩვენია. 50%-ის შემთხვევაში ჩამკეტს მათემატიკურად უკვე აზრი ეკარგება. ავიღოთ, 40%, რომელსაც პარტია იღებს პროპორციულ არჩევნებში. კონსტიტუციურ პროექტში წერია, რომ ამაზე ერთ მეოთხედზე მეტად ვერ გაიზრდება შენი შედეგი. 40%-ის ერთი მეოთხედი არის 10% ანუ 40%-ს ემატება 10%. თუ პროპორციულ არჩევნებში იღებ 40%-ს, ვერ მიიღებ მანდატების 50%-ზე მეტს. შესაბამისად ვერ მიიღებ 75 მანდაზე მეტს ანუ 40 %-ის პირობებში, შენ ვერ აიღებ მანდატების 50%-ზე მეტს ანუ პლიუს მეოთხედით შეიძლება გაიზარდოს მაქსიმუმ პროცენტული მაჩვენებელი. შესაბამისად მანდატების მაქსიმუმი, რაც შეიძლება მიიღო 40%-ით, ეს არის 75 მანდატი.“– განმარტა კობახიძემ.